Currículum

Estudiou o bacharelato por libre e examinouse no Instituto de Lugo. Despois superou en Santiago o preparatorio de Filosofía e Letras, carreira que realizou, na sección de Letras, na Universidade de Madrid (1912-16), regresando a Galicia ó licenciarse. Foi o organizador, xunto con Jaime Quintanilla, da Irmandade da Fala de Ferrol e o redactor dos seus boletíns. En 1921 accedeu á dirección do xornal ferrolán El Correo Gallego. En 1921 o grupo de Ferrol fundou "Céltiga", a primeira editorial nacionalista, precursora de "Lar" e "Nós", sendo Ramón Villar o seu xerente. En 1922 trasladouse a Viveiro onde creou o grupo nacionalista que figura organicamente como Subdelegación da Delegación da ING en Ferrol. Foi correspondente de El Sol e La Voz de Madrid, colaborando, tamén, en Galicia e El Pueblo Gallego de Vigo.