Currículum

José María Pérez Álvarez, Chesi, foi un escritor galego con obra maioritariamente está en castelán. Foi considerado por diferentes críticos como un dos mellores narradores contemporáneos, ainda que toda a vida se mantivo á marxe dos circuitos comerciais.

Tras varias décadas publicando obras esixentes de reducida tirada e pouco alcance comercial, saltou á fama como autor de culto a partires da recomendación da súa obra Nembrot (2002) por parte de Juan Goytisolo en 2003. Nos seguintes anos obtivo o Premio Bruguera e viu un artigo seu plaxiado por Bryce Echenique, ademáis de adicarse á divulgación cultural.

Dirixiu dende 1994 ata 2004 un programa de divulgación literaria na cadea radiofónica española SER, chamado 'El libro de la semana', no que analizaba obras de poesía, narrativa e teatro de autores de todo o mundo. Colaborador da revista Jano e en 'tallerdeediciones.com', foi director da colección «La Letrería» da editorial Duen De Bux, dende 2007 ata 2011. Obtivo os premios 'Mor de Fuentes', 'Hucha de Plata', 'Gabriel Miró', 'El Golpe', 'Ramón Sije', 'Felipe Trigo' e o 'Constitución de novela larga'. Aparece selecionado na antoloxía «Afinidades electivas» (revista Letras libres, 2003), coordinada por Juan Goytisolo. Con 'La soledad de las vocales' obtivo o 'III Premio Bruguera de Novela'.

Asimesmo, parte da súa novela La soledad de las vocales, xunto coas de outros autores españois, foi traducida ao francés pola Universidade de Lausana, a raíz dun congreso sobre «Nueva narrativa española» que tivo lugar en Lausana, en maio de 2011, dirixido por Goytisolo. Tamén outras coñecidas personalidades do mundo do cine, como o director José Luis Cuerda -quen lle presentou en 2011 a pequena novela satírica El Disfraz-, fixaronse na literatura de Chesi.

José María Pérez Álvarez viu con sorpresa cómo o artigo «Las esquinas habitadas», publicado en Jano e no portal Galipress.com, foi plaxiado por un dos grandes, Alfredo Bryce Echenique (Premio Planeta 2002), o 12 de novembro de 2006, en El Correo de Lima, baixo o título «La tierra prometida». A pesares dos «mil millóns de disculpas» que realizou o «planetario», e que atribúe a confabulacións para acabar coa súa carreira, o certo é que a ninguén se lle escapan as «traicións» que últimamente lle xoga a informática a Echenique, e que lle teñen valido algunhas querellas ao respecto.

Colaboraba co xornal El Faro de Vigo e algúns dos seus artigos sobre Ourense foron recopilados, en 2023, pola Deputación no libro 'La última patria', unha auténtica guía sobre a cidade.

A actividade literaria de José María Pérez Álvarez é, con todo, prolífica. Xunto ás súas novelas e contos publicados, aparecen obras súas en galego en distintas revistas (Animal e Trebo), e un relato, «Sempre abril e domingo», na antoloxía Narradores de cine (Ed. Xerais). Tamén unha novela curta, Notas necrolóxicas, no libro antolóxico Palabras da montaña. En El Faro de Vigo publica últimamente artigos, e ademáis colaborou en catálogos de pintores, escultores e fotógrafos, como X. Cuíñas, Lazcano, Terrachán, Acisclo Manzano, Alexandro, Virxilio, Buciños e Mani Moretón.

A principios de 2012, Juan Goytisolo, un dos dez autores elexidos para compoñer o comité da Finnegan's List, propuxo, xunto a outras dúas obras, 'La soledad de las vocales'.

En outubro de 2014 publica a súa última novela, 'Examen final' coa editorial Trifolium, que novamente recibiu os eloxios de Juan Goytisolo no suplemento "Babelia" de El País.

Entre 2014 e 2020 administrou o blog 'El arte del puzle'. Faleceu en Ourense o 24 de decembro de 2025 á idade de 73 anos, deixando polo menos catro novelas inéditas escritas nos últimos anos, ademáis de contos, poemas e un sinfín de correspondencia. Ainda que a maior parte dos textos están escritos en castelán, hai algúns en galego. Dende entón, a súa familia traballa pola recuperación, conservación e impulso do seu legado literario, tanto do publicado como do que aínda non viu a luz.

O 9 de maio de 2026, o Liceo de Ourense acolleu a homenaxe 'Chesi: vivir para narrar', adicado á figura de José María Pérez Álvarez e no que participaron personalidades como a poeta Chus Pato ou o escritor Francisco López Serrano. Dous meses despois, a Deputación de Ourense editou un libro homónimo coas intervencións leídas durante o acto, ás que se incorporaron textos de escritores, editores e xornalistas de distintas partes de España.