Ramón María Aller Ulloa

Categoría: Astrónomo
Data de Nacemento: 3 de febreiro de 1878 (†28 de marzo de 1966)
Lugar de Nacemento: Filgueiroa, Lalín (Pontevedra)
 Currículum

Estudiou o Bacharelato no colexio dos xesuitas en A Guarda. Licenciouse en Ciencias Exactas pola Universidade de Madrid en 1904. Sendo aínda moi novo, amosou a súa vocación polas Matemáticas e a Astronomía. En 1912 construiu en Lalín un observatorio astronómico, o primeiro que existiu en Galicia e un dos máis importantes de España. En 1944 otorgóuselle a cátedra de Astronomía, creada na Facultade de Ciencias. Foi membro da Real Academia de Ciencias Exactas, Físicas e Naturais (1939) e da Real Academia Galega (1941), director do observatorio astronómico da Universidade de Santiago, etc. Dominaba dez idiomas.

 Obras realizadas

Dirixiu catro tesis doctorais e publicou Algoritmia, Principios fundamentales de la ciencia de los números (1918), Introducción a la Astronomía (1943) e Astronomía a simple vista (1948). Colaborou tamén en varias publicacións como Revista de la Sociedad Astronómica de España y América, Arquivos do Seminario de Estudos Galegos, Las Ciencias, Publicaciones del Observatorio de Santiago, Revista de Geofísica, Utama, Astronomische Nachrichten, L'Astronomie.

 Outros datos de interese

En 1960 concedéuselle en Lalín un gran homenaxe e inaugurouse unha estatua feita por Francisco Asorey.