Julián Barrio Barrio


Categoría: Bispo
Data de Nacemento: 15 de agosto de 1946
Lugar de Nacemento: Manganeses de la Polvorosa (Zamora)

Opinión
 Currículum

Cursou os estudios de Humanidades e de Filosofía no Seminario Diocesano de Astorga e foi ordenado sacerdote o 4 de xullo de 1971. Ese mesmo ano licenciouse en Teoloxía pola Universidade Pontificia de Salamanca, obtivo o título de doutor en Historia da Igrexa pola Universidade Pontificia Gregoriana de Roma en 1976 e licenciouse en Filosofía e Letras, sección de Xeografía e Historia, pola Universidade de Oviedo (1979). Entre os cargos que ocupou destacan os de Bibliotecario do Instituto Histórico Español, anexo á Igrexa Nacional Española de Santiago e Montserrat en Roma, de onde foi bolseiro, secretario de Estudio e Vicerrector do Seminario Maior Diocesano de Astorga (1978-80), rector do Seminario Maior Diocesano e director do Centro de Estudios Eclesiásticos do Seminario de Astorga (1980-92), profesor de Historia Eclesiástica e de Metodoloxía no Seminario Maior Diocesano de Astorga, profesor de Historia de España en 3º de BUP e de Historia Contemporánea en COU no Seminario Menor (1980-92), profesor de Historia Contemporánea na UNED na Rúa de Petín (1991-93), membro do Consello Nacional de Rectores de Seminarios (1982-85), membro do Colexio de Consultores, secretario do Consello Pastoral Diocesano da Diocese de Astorga (1991-92), bispo titular de Sasabe e auxiliar de Santiago de Compostela (31 de decembro de 1992, ordenación episcopal o 7 de febreiro de 1992), responsable da sección dos Seminarios Maiores na Comisión Episcopal de Seminarios e Universidades da Conferencia Episcopal Española, bispo administrador diocesano da Arquidiocese de Santiago desde o 25 de outubro de 1994 e arcebispo de Santiago de Compostela por bula do Santo Pai Xoán Pablo II de data 5 de xaneiro de 1996, tomando posesión o 25 de febreiro.

 Obras realizadas

Publicou as seguintes obras: Félix Torres Amat (1772-1847). Un obispo reformador, Roma, 1977; La Junta de Ancianos de la iglesia de Gibraltar, Anthologica Annua; Aportación para un epistolario de Félix Torres Amat, Anthologica Annua; Proceso a un clérigo doceañista, Astorica; 25 años de Postconcilio en el Seminario: 25 años de Ministerio Episcopal en la Iglesia Apostólica de Astorga, Astorga 1993, 143-176; La formación de los sacerdotes del mañana, Surge 47 (1989), 170-177 e outras publicacións no Semanario Diocesano de Astorga "DIA 7" e outros medios de comunicación social.

 Outros datos de interese

Recibiu a medalla de honor da Universidade na Licenciatura de Historia da Igrexa na Facultade de Historia da Universidade Pontificia Gregoriana (1976).