Currículum

Realiza os seus estudos básicos no colexio PP Somascos de A Guarda, ata remata-lo bacharelato superior.
En 1996 ingresa na Universidade de Santiago de Compostela, estudos que cursa na Facultade de Historia.
Colaborador do Boletín Informativo Municipal (BIM) de O Rosal, na actualidade no nº 47. Coopera na publicación da Memoria da Festa do Cabaqueiro, hoxe na súa XIX edición.
Dende xullo de 1999 participa nas escavacións que realiza a empresa de arqueoloxía Anta de Moura, con sede en Tui. Traballa nalgúns dos xacementos máis importantes de Galicia, tales como o da rúa Rosalía de Castro, en Vigo, onde se produciu o descubrimento de saíñas romanas; na sondaxe arqueolóxica do Campus Lagoas-Marcosende (CUVI) ou nas escavacións dos montes de Chandebrito (Nigrán). Así mesmo participa nos traballos arqueolóxicos do casco histórico de Pontevedra, na praza de Curros Enríquez ou no estudo da Casa das Campás, tamén en Pontevedra.
No ano 2003 é designado Socio de Número do “Instituto de Estudios de A Paradanta y Condado do Tea” e especialízase no sector turístico da comarca do Baixo Miño.
Durante os anos 2005 e 2006 desempeña as funcións de colaborador do departamento de Cultura, sendo nomeado Auxiliar de Turismo do Concello do Rosal.
Nese mesmo ano é designado Técnico de Campo da Toponimia no municipio rosalés, dentro do Proxecto Toponimia de Galicia, desenrolado polo SITGA (Sistema de Información Territorial de Galicia).
Na actualidade (2008) é membro da Asociación de Escritores en Lingua Galega (AELG). Traballa como Técnico de Turismo no Concello do Rosal, exercendo á vez de Guía de Ruta nos Muíños do Folón e do Picón (declarados Ben de Interese Cultural) encargándose tanto da Oficina de Información sita no muíño nº 1 do Folón, como das diferentes rutas de sendeirismo que se ofertan dende o concello rosalés.
É coautor con Xoán Martínez Tamuxe do libro Memoria Histórica da capela da Madanela no Monte da Pedrada e vestixios dunha fortaleza (2007).