Currículum

Graduado en Gráfica Publicitaria e en Produción de Audiovisuais e Espectáculos. Viaxeiro incansable, escritor espontáneo e budista convencido, soubo ensamblar as súas grandes paixóns: as viaxes, a música e a literatura na súa escritura emotiva e exhausta, influenciada por Jack Kerouac e a Xeración Beat.

Comeza a escribir aos vinteséis anos, durante unha crise de ansiedade e o que nun principio sería unha terapia curativa, convírtese nun xeito de vida. Nesta etapa escribe unha grande cantidade de relatos e o que será a base para a súa primeira novela "Mariela envenena mis sueños", xa que esta, nun principio era un relato longo. Este primeiro periodo dura dous anos, logo abandona a escritura. Pasados dez anos, retoma outra vez a escritura, coincidindo ademáis coa súa marcha a Londres. É aquí cando recupera o proxecto da súa primeira novela e o finaliza como novela que publica en 2022.

Durante este novo periodo, que él cataloga como "o momento emocional máis grande da miña vida" comeza a escribir outra vez relatos.

Algúns destes relatos foron galardoados en festivais nacionais e internacionais:

• "Epitafio de Tolkien" é selecionado para ser publicado no diario El Progreso de Lugo para un especial de viaxes. (España, agosto 2016)

• "Me fui": Premiado no Certame Literario Internacional Los libros de Charlie (Arxentina, decembro 2017) e no Certame da revista independente Extrañas Noches - Literatura Visceral (Arxentina, novembro 2018).

• "Suspiros de La Habana": Premiado no Certame Literario da revista de viaxes e viaxeiros Magellan (Barcelona, decembro 2017) e no XIV Certame Literario Moleskin 2019 (setembro 2019),

• "El llanto de Camden Town": Selecionado para ser publicado na revista Pantomima (Arxentina 2020).

• "Serendipia o aquella chica dulce": Premiado e publicado pola revista gAZeta (Guatemala, xullo 2020) e na revista Independente Liinzu (Costa Rica, 2021).

• "Noches de verano de luna llena", Relato premiado e selecionado para ser publicado na antoloxía física de relatos titulada "Cuentos de Otoño". (España, febreiro 2024).

Obtén grande recoñecemento e depura a súa técnica narrativa tan personal e emotiva, na que se pode apreciar unha grande influencia de Jack Kerouac e a Xeración Beat, escritores aos que idolatra e que leva lendo toda a súa vida.

Como colofón, abre o blog www.cosasquetecontealoido.com, que ten unha grande repercusión na rede, convertíndose no seu grande escaparate literario. Nel se amosan textos con unha grande carga emocional e sentimental. Son historias, pertencentes ao mundo das relacións entre parellas e no que destaca como tema principal o amor en todas as súas formas e vertentes. Ainda que tamén trata temas musicais e de viaxes.

Ademáis Jordi é requerido polo prestixioso xornalista e reporteiro Juan Carlos Bejarano, do canal internacional latino NTN24, como escritor colaborador na súa web www.descubriendolondres.uk, despois de ser selecionado o seu relato "Tumba y cenizas de Freddie Mercury" para dita web. Neste caso será o encargado de escribir acerca de lugares salientables do rock e da música en xeral que se atopan repartidos polo mapa da capital británica, pero sempre baixo o seu estilo tan persoal e emotivo.

Xa de volta e asentado en Galicia, é na primavera de 2019 cando Radio Lugo Cadena SER contacta con Jordi, para que leve a sección de viaxes do programa "Hoy por hoy". É así como nace "Un lugar de verano". Colabora dende 2023 con canales internacionais latinos de radio e televisión, como é o canal por pago TVV, xunto a Gladys Rodríguez e as radios venezolanas Circuito Éxitos e La Romántica, sempre para falar de música, viaxes e temas culturais.