José María Hernández Cochón


Categoría: Doutor e político
Data de Nacemento: En 1938
Lugar de Nacemento: Pontevedra
 Currículum

Licenciouse en Medicina e Cirurxía, especializouse en Saúde Pública, Microbioloxía, Análises Clínicos e Medicina Deportiva. É, ademais, diplomado en Sanidade, Dirección e Administración Hospitalaria. Foi bolseiro da Organización Mundial da Saúde (OMS). A súa experiencia profesional, tras aproba-la oposición ó Corpo Médico da Sanidade Nacional, estivo moi vinculada á docencia, xa que durante dez anos foi profesor da Escola Departamental de Sanidade de Santiago, axudante na Facultade de Medicina da USC e asociado da Escola Nacional da Saúde. Durante máis de vinte anos dirixiu a Saúde Pública nas provincias de Pontevedra e A Coruña e participou no Programa de Cooperación Técnica de Guinea Ecuatorial. Foi deputado na II e III Lexislaturas, para ser reelixido novamente nas eleccións de 1997. Ademais de presidi-la Comisión Permanente para o estudio das repercusións socioeconómicas e sanitarias do narcotráfico en Galicia, Hernández Cochón estivo vinculado á política nacional a través dos cargos de senador e deputado no Congreso pola Coruña. Desde 1996 é conselleiro de Sanidade.