Antonio Vázquez Fernández

Categoría: Profesor
Data de Nacemento: 27 de setembro de 1926 († 20 de abril de 2020)
Lugar de Nacemento: Monforte de Lemos
Correo electrónico: 
Formulario de contacto

Opinión
 Currículum

Cursou estudios de Humanidades e Eclesiásticos nos Mercedarios en Sarria e Poio. Foi ordenado presbítero da Orde da Mercé o 10 de xuño de 1950. Licenciouse en Filosofía na Universidade Pontificia de Salamanca (1954) e na Complutense de Madrid (1970), e en Psicoloxía na Universidade Complutense de Madrid (1973), realizando o doutoramento en 1979 coa teses (cum laude) "El hombre y sus creaciones en C.G. Jung". Foi bolseiro no Colexio Español de París entre 1956 e 1958, cofundador, profesor, catedrático e decano en Psicoloxía da Escola Superior de Psicoloxía da Universidade Pontificia de Salamanca. Entre 1992 e 2000 foi profesor da Universidade da Experiencia en León-Castilla. Impartiu multitude de cursos en España e no estranxeiro.

 Obras realizadas

Entre as súas obras podemos destacar: Las grandes líneas de la Psicología religiosa actual, Psicología y Pensamiento Existencial (Madrid, 1963); Psicología profunda y ética (Universidade de Madrid, 1970); Freud y Jung: dos modelos antropomórficos (Sígueme, Salamanca, 1981); La Psicología de la Personalidad en C. G. Jung (Sígueme, Salamanca, 1981); Notas para una lectura de las "Moradas" de Santa Teresa, desde la desde la Psicología Profunda (Universidade Pontificia de Salamanca, 1982); Freud y Jung, Exploradores del Inconsciente (Cíncel, Madrid, 1986); Apariciones. Aspectos psicológicos en Diccionario de Mariología (Paulinas, Madrid, 1988); La psicotrafía en C.G. Jung (en colaboración) en Psicotrafías Dinámicas (Universidade de Salamanca, 1989); Antropología Analítica en C. G. Jung (en colaboración). Nuevas Antropologías siglo XX (Salamanca, 1994) e Psicología de Jesús en Diccionario de Jesús de Nazaret (Montecarmelo, Burgos, 2001).

 Outros datos de interese

Foi profesor no Mosteiro de Poio (1960-66), co-fundador e director do Instituto "Christus Magister" da CONFER (1967-1968) e asistente (nomeado pola Congregación de Relixiosos do Vaticano) da "Federación de Monxas Mercedarias de España" (1982-2002).