Currículum

Realizou os seus estudos eclesiásticos no Seminario de Lugo e tras finalizar os seus estudos de Filosofía, continuou cos de Teoloxía e Dereito Civil en Santiago, ingresando en 1842 na Orde de Santo Domingo.
En 1844 foi ordenado en Cádiz e trasladado a Manila, encargándose da cátedra de Humanidades na Universidade de Santo Tomás. Un ano despois, incorporouse á misión en Tung-King e en 1849 foi nomeado bispo de Vi-Koang.
Fray José Mª Díaz Sanjurjo foi arrestado e executado en 1857, o que foi un pretexto para a intervención militar francesa en Cochinchina que contou tamén co apoio español (1858-1862).