Currículum

Debe á súa avoa, o seu amor pola pintura e pola arte en xeral. Encantáballe vela pintar e mirar e "remirar" os seus libros de arte.

Sempre foi unha apaixoada do debuxo, a pintura e as artes plásticas, recibindo diversos premios durante a súa infancia e xuventude.

Ainda que se licenciou en Ciencias Biolóxicas pola Universidade de Palma de Mallorca en 1985, e traballou como profesora de bioloxía e ciencias naturais nun colexio da súa cidade natal, sempre conservou a súa inquedanza polo mundo da arte.

Comezou a pintar de xeito autodidacta, como un 'hobby' pero pronto sentiu a necesidade de formarse, polo que acudiu a clases de pintura en 'La Academia' da Fundación ARAUCO (Arte y Autores Contemporáneos). Recibiu ensinanza de dous grandes pintores Cristian Avilés e Carlos Vega.

Máis tarde en 2003, incorpórase ás clases do Mestre Guillermo Muñoz Vera, un dos máximos expoñentes do realismo contemporáneo a nivel mundial. Dende entón sigue pintando, aprendendo e investigando, no que é a súa verdadeira paixón e vocación: A Pintura.