José Mª Alonso Trelles y Jarén

Pseudónimo:El Viejo Pancho. Coa aparición da publicación Momentáneas substitúe este seudónimo polo de El Manco de Santa Rosa.
Categoría: Escritor
Data de Nacemento: 7 de maio de 1857 (†en 1924)
Lugar de Nacemento: Ribadeo (Lugo)
 Currículum

José Mª Alonso Trelles y Jarén emigra a Arxentina en 1875. Posteriormente trasládase a Uruguay, onde se afinca definitivamente na poboación de Tala. En 1880 comeza a súa actividade periodística no periódico El Tala e continúa na publicación de carácter satírico El Tala Cómico. En 1899 edita a publicación Momentáneas e colabora ademais en revistas como El Fogón ou El Terruño.

 Obras realizadas

El Viejo Pancho comeza escribindo composicións románticas influenciado por escritores como Bécquer ou Espronceda. Na súa poesía reflicte o auxe do sistema capitalista, que despraza á sociedade campesiña gaucha. En 1916 publicou a colección de poemas Paja Brava, que foi editada tres veces. Ademais, fundou un grupo teatral e escribiu varias pezas teatrais como Juan el loco (1887), Crimen de amor (1891), Colón (1892) e ¡Gaucha! (1913).