Indalecio Lombao Gómez


Categoría: Oleiro e músico
Data de Nacemento: 3 de maio de 1920 (†1 de novembro de 2010)
Lugar de Nacemento: Bonxe, Outeiro de Rei (Lugo)

   Cultura
 Currículum

Fillo de Domingo Lombao Varela e Josefa Gómez Parga, aprendeu os oficios de oleiro e músico, oficios tradicionais de Bonxe, o seu pobo natal. Participou na Guerra Civil e estivo na Batalla do Ebro. Unha vez finalizada, regresou a Oviedo e formou parte da banda militar. Posteriormente, volveu a Bonxe e seguiu cos oficios de oleiro e músico, coñecendo nesta época á que sería a súa muller. A súa filla, Josefa Lombao Ferro, continúa coa tradición oleira.

 Obras realizadas

Ademais de ter formado parte da banda militar, tamén traballou en varias orquestras. No ámbito da oleiría contaba con moitos anos de experiencia e unha amplísima obra. Posuía a carta de mestre artesán e a súa familia é a única dedicada á cerámica tradicional de Bonxe.

 Outros datos de interese

Bonxe é un pobo de profunda tradición oleiría que tivo o seu maior auxe na etapa na que traballaban na oleiría cincuenta e seis dos sesenta veciños.