Henrique Monteagudo Romero

Categoría: Filólogo
Lugar de Nacemento: Muros (A Coruña)
Correo electrónico: 
Formulario de contacto
 Currículum

Licenciado en Filoloxía Hispánica (Galego-Portugués) (1981) e doutor en Filoloxía Galega (1995) pola Universidade de Santiago de Compostela, é profesor desta universidade desde 1982. Actualmente é profesor titular de Filoloxía Galega e Portuguesa. Foi profesor invitado das Universidades de Lisboa, City University de Nova York e Bos Aires, lector na Universidade de Birmingham, coordinador do “Proxecto Sarmiento”, coordinador do Informe de Política Lingüística e Normalización en Galicia (1980-2000) do Consello de Cultura Galega, estudioso do proceso de estandarización do idioma galego e director do Centro de Documentación Sociolingüístico de Galicia.

 Obras realizadas

Editou Sempre en Galiza, Castelao: conferencias y discursos e Obra Completa de Castelao, Follas Novas de Rosalía, obras de Otero Pedrayo e Martín Sarmiento e o volume Estudios de Sociolingüística Galega (Galaxia, 1995). Ademais, foi o autor do volume Castelao: Defensa e significación do idioma galego e Historia Social da Lingua Galega (1999).

 Outros datos de interese

É membro do consello de redacción da revista “Dorna” (Expresión Poética Galega), codirector de “Grial” (Revista Galega de Cultura), investigador do Instituto da Lingua Galega e coordinador da sección de lingua e secretario do Consello da Cultura Galega.

Membro da Real Academia Galega dende 2012.