Currículum

Tras estudia-lo Bacharelato no Seminario de Lugo (1969-75) e COU no Instituto Masculino (1975-76), diplomouse en EXB (Filoloxía) (1976-79) na Escola Universitaria de Formación do Profesorado de Lugo e licenciouse en Filoloxía Hispánica pola UNED en Madrid (1982-88). Ademais, completou a súa formación con múltiples cursos e xornadas, entre os que destacan: ‘Dislexia e fracaso escolar’, ‘Perfeccionamento de Lingua Francesa’, ‘Utilización Didáctica dos Medios Audiovisuais e Iniciación á Tecnoloxía’, vídeo (1991), ‘Utilización Didáctica dos Medios Audiovisuais e Iniciación á Tecnoloxía’, vídeo (1992), ‘Primeiras Xornadas de Educación e Formación Vía Satélite - EEOS’, ‘III Curso de Tecnoloxía Educativa: Informática e Vídeo’, ‘Especialidade de Lingua Galega’, ‘IV Curso de Tecnoloxía Educativa: vídeo’, ‘Da teoría do texto á práctica do ensino da lingua’, ‘Informática Básica’, ‘Novas Tecnoloxías da Información: Aplicacións didácticas’, ‘Microsoft Access’, ‘A Lei de Calidade a debate’ e ‘Internet aplicada á educación: nivel intermedio’. Así mesmo, levou a cabo tres seminarios permanentes: ‘O estudo da Prehistoria da Comarca do Barbanza a través dos seus restos arqueolóxicos’, ‘Seminario interdisciplinar de Lingua Galega’ e ‘Aproximación ao estudo dun río a través dos Medios Audiovisuais: O Tambre’.
Polo que respecta á súa experiencia laboral, foi mestre na Deputación Provincial e en varios centros da provincia de Lugo, en Porto do Son (A Coruña), director e coodinador do Centro de Recursos de Noia (A Coruña), no CEIP de Cospeito (Lugo), no IES ‘A Nosa Señora dos Ollos Grandes’ (Lugo), IES ‘Ánxel Fole’ (Lugo), CPI Baralla/ CPI Pobra de San Xiao, IES Fontexería (Muros) e xefe do Departamento de Lingua e Literatura Galega no CPI ‘Tino Grandío’ (Guntín). En canto á súa faceta como escritor, é coautor de diverso material audiovisual, entre o que destaca ‘Arqueoloxía do Barbanza’ (I Premio no II Certame Galego de Vídeo na Escola do ano 1994) e coordinou a revista ‘O Cabazo’ do C.P. de Cospeito no curso 1995-96, a revista ‘A Voz da Escola’, do CPI de Pobra de San Xiao no curso 1998-99 e a revista ‘Pallares’ do CPI ‘Tino Grandío’ de Guntín nos cursos 2000 a 2003 (esta revista obtivo o I Premio Galego de revistas escolares no curso 2001- 2002). Ademais, publicou ‘Toponimia de Monterroso’, editada polo concello desa localidade (2002) e ‘Toponimia de Guntín de Pallares’, tamén editada polo concello. En 2006 publicou ‘O Mosteiro de Ferreira de Pallares’, editado pola Xunta de Galicia. Así mesmo, é colaborador esporádico da prensa local sobre temas históricos relacionados coas terras de Pallares e Monterroso.