Currículum

É doutor en Ciencias da Información pola Universidade Complutense de Madrid, onde previamente realizou os estudos de Xornalismo. Tamén é Técnico de Radiodifusión e Televisión pola Escola oficial de Madrid. Actualmente é profesor de Dereito da Información e a Publicidade na Universidade de Vigo e profesor invitado noutras universidades de Portugal e Iberoamérica. Exerceu o xornalismo durante 30 anos. Iniciouse en Radio Popular de Ourense ao lado de Daniel Hortas, a quen segue considerando o seu mestre. Máis tarde trasladouse a Vigo, onde foi redactor da COPE naquela cidade e tras abandonar a radio en 1976, pasou sucesivamente polas redaccións de Faro de Vigo, La Voz de Galicia e Diario 16 de Galicia. Finalmente, foi delegado en Vigo de El Correo Gallego, antes de incorporarse á Facultade de Ciencias Sociais e da comunicación, tras doutorarse no Departamento de Dereito Constitucional e obter por oposición praza de profesor titular.