Currículum

É doutor en Ciencias Económicas pola Universidade de Santiago de Compostela e catedrático de Economía Aplicada na Universidade da Coruña. Actualmente é director do Instituto Universitario de Estudios Marítimos e subdirector do Instituto de Estudios de Galicia da Fundación Pedro Barrié de la Maza. Foi tenente de alcalde do Concello da Coruña, director xeral de Ordenación Pesqueira da Administración do Estado e presidente da Xunta de Galicia (1987-90). Foi, ademais, parlamentario galego e senador en representación da Comunidade Autónoma durante catro lexislaturas. Formou parte do equipo negociador da adhesión de España á Comunidade Económica Europea e da Asemblea Parlamentaria do Consello de Europa e da Unión Europea Occidental. No Senado ocupou a presidencia da Comisión de Economía e Facenda.