Mariña Regueiro

Categoría: Mestra de encaixe de palillos

   Cultura
 Currículum

Licenciada en Filoloxía Inglesa, asistía ás clases da Escola de Cerámica de Madrid cando, unha tarde, entrou por erro na aula do Seminario de Estudos do Encaixe e quedou fascinada. Co diploma de encaixeira debaixo do brazo e a ilusión de toparse de fronte coa súa vocación, abandonou o traballo que tiña en Madrid e regresou á súa terra de palilleiras co único propósito de construí-la súa propia escola. Imparte os seus cursos de verán de palillos no hostal ‘Casa Cruceiro’ de Las Nieves (Pontevedra). Desde 1984, centos de persoas procedentes de tódolos puntos de España e doutros países europeos asisten nos meses de verán ás clases de Mariña.

 Outros datos de interese

É a primeira muller española en formar parte da ‘Asociación Internacional de Encajeras de Bolillo y Aguja’, adquiriu bibliografía sobre esta técnica e viaxou. Importou coñecementos –da República Checa trouxo o encaixe moderno, os motivos que, desde 1925, sacan da casa as encaixeiras checas: broches, colgantes e outros complementos, que quitan protagonismo ás prendas de enxoval, ás que tradicionalmente se dedicou este labor– e curiosidades, como os bolillos con contas de cristal que se empregan en Inglaterra para conseguir que pesen e non roden.