Currículum

Foi profesora Titular de Literatura Norteamericana do Departamento de Filoloxía Inglesa da Universidade de Santiago de Compostela. A súa labor investigadora tiña como principais obxectivos a obra de William Faulkner, do que publicou un volume monográfico e diversos traballos en revistas e libros especializados e a literatura feminina. Este último interese deu lugar á aparición dun volume sobre a poetisa norteamericana Emily Dickinson e dalgúns ensaios sobre a novelista británica Virginia Wolf e a elaboración da antoloxía Mulleres do século XX: Traduccións ó galego de narracións femininas en lingua inglesa, publicada en 1999. Tamén colaborou habitualmente no diario "El Correo Gallego" onde publicou un relato de ficción narrativa.