Currículum

Trasládase de moi novo a Ourense, onde realiza estudios musicais no Conservatorio desta cidade, graduándose en guitarra clásica. Acode a varios seminarios de Jazz en Bañolas (Xirona), con artistas americanos de recoñecido prestixio: Thad Jones, Chuck Israels, Bill Dobbins, Steve Brown, Sal Nístico, Ben Riley, Jim Mc Neely, Hal Crook, Claudio Roditi, … músicos que o introducen no mundo do jazz, e dos que aprenderá a verdadeira filosofía sobre esta música. Entre os anos 1981 e 1983 estuda e imparte clases no Taller de Músicos de Barcelona e no San Diego School of Performing Music (California), estudando con Mario Lecaros e Hal Crook respectivamente. En febreiro de 1983 funda a Escola Baio Ensemble en Vigo. En 1985 dedícase ó estudo do piano de maneira autodidacta, e será con este instrumento co que desenvolva a súa futura carreira profesional. En 1987 imparte clases de harmonía e improvisación de jazz no Conservatorio de Santiago de Compostela e é contratado como director e arranxista da orquestra ‘Los Satélites’ da Coruña ata 1990. Ó longo da súa carreira ten participado e colaborado en moitos festivais e concertos: San Sebastián, Madrid, Lorient, Lisboa, Barcelona, Mallorca, San Diego, Los Angeles, Festival de Música e Danza de Granada, Santiago de Compostela, (Cidade europea da cultura), e innumerables cidades españolas. Colaborou con músicos e formacións nacionais e internacionais, entre as que se pode citar a Roy Hargrove, Hal Crook, Kenny Wheleer, Clunia jazz, Orquesta Clásica de Madrid, Emilio Cao, Tomás Camacho, Uxía Senlle, Cuchús Pimentel, etc… No ano 2002 estrea ‘Sonidos de Bitácora’ (concerto sinfónico para guitarra e orquestra), interpretado polo guitarrista Tomás Camacho e a nova orquestra sinfónica de Viana do Castelo baixo a dirección do mestre Miguel del Castillo.