Currículum

Recibiu a ensinanza do famoso escultor cambadés Francisco Asorey na Escola de Artes e Oficios da súa cidade natal, Compostela, onde fixo o Bacharelato. Licenciouse en Filosofía na Universidade Complutense e doutorouse na Universidade Autónoma de Madrid, cun traballo que despois ampliou e afondou moitos anos nel, Vida masculino/feminina. De aquí naceron logo: Poética de Fondo, na que se rexeita a arte como simple xogo e reivindícase a volta ao sentimento, e Poética formal, onde se alcanzan por primeira vez unhas categorías poéticas formais, extensibles ás demais artes; actualmente está traballando no terceiro volume, que trata do drama, nas súas tres versións: ideal ou convencional, real ou extra escénico e total ou festivo erótico e místico. É tamén froito destes estudios: “Rosalía erótica y existencial”, publicado en Madrid en 2010 e presentado nesta o 18 de novembro do mesmo ano; e “A outra Rosalía”, serie de artigos publicados en El Correo Gallego, na primavera - verán de 2011, que poden consultarse en www.xoseazar.es, así como o resto da súa obra. Escribiu poesía, en galego e castelán, publicada algunha e outra inédita; e teatro, tamén nos dous idiomas. Pero a escultura é agora a súa arte máis amada.