Xosé Agrelo Hermo

Pseudónimo:Pepe da Roca / Roque Gallardo
Categoría: Profesor e escritor
Data de Nacemento: 10 de abril de 1937 (†21 de novembro de 2006)
Lugar de Nacemento: Noia (A Coruña)
 Currículum

Tras estudiar Humanidades e Filosofía no Seminario de Santiago, titulouse en Maxisterio e Filoloxía Románica pola UNED. Foi profesor en Serra de Outes (1968-69), Tirea – Muros (1969-74), Esteiro – Muros (1974-98) e no IES “As Insuas” de Muros, onde foi director (1968-2003). Actualmente está xubilado. Foi candidato ó Senado polo BN-PG en 1977 e ó Congreso en 1979. Ademais, foi concelleiro en Muros polo BNG desde 1979 a 1987. Así mesmo, fundou e dirixiu os seguintes grupos teatrais: “Talía” de Noia (1962-66), “Candeo” de Noia (1973-80), “Agrocovo” Teatro Infantil (1975-98), “Xestruxo” de Esteiro (1982-86) e “O Xeito” de Esteiro (2004). Ademais, foi redactor xefe da revista “Barbanza” (1988-90), director da revista “A Motora” (1993), membro de redacción da revista “Alameda” e director de publicacións da Editorial Toxosoutos.

 Obras realizadas

Publicou os seguintes libros: Efemérides noiesas (1971), O espantapaxaros (1972), Aproximación didáctica á obra de Avilés de Taramancos (1985), Candea 70 (1989), O xogo dramático (1990), Os sete coitelos (1992), A freguesía de Sta. Cristina de Barro (1996), Noia, porto de Compostela (2002), Avilés de Taramancos (2003), Noia, ribeiras de mar enxoito (2003) e Rumbo ao Maluco (2003).

 Outros datos de interese

Foi galardoado cos premios “O Facho” de contos infantís (1971), “Leixaprén” (2001), “Relatos de aventuras Avilés de Taramancos” (2003) e a Medalla da Vila de Muros (2003).