Currículum

Fillo de emigrantes galegos, viviu durante algúns anos en Cuba e Arxentina. Posteriormente, regresa a Lugo, onde estudia o Bacharelato e entra en contacto con destacados galeguistas da época como Ramón Piñeiro, Castelao, Paz Andrade, Celso Emilio Ferreiro, Ricardo Carvalho Calero, Xosé Velo e Francisco Fernández del Riego. Anos máis tarde trasládase a Madrid, onde segue vencellado á República a través das Misións Pedagóxicas da República, a revista ‘PAN’ e o xornal ‘El Sol’, onde colabora como crítico literario. Alí contacta con Eugenio Granell, Rafael Dieste e Carlos Maside e milita no Partido Comunista. Ó final da Guerra Civil e derrotada a República, marcha a Francia, de onde foxe posteriormente a México continuando coa súa actividade xornalística e de creación literaria en revistas como ‘Romance’ e ‘Taller’. A finais de 1941 volve a Arxentina, onde traba amizade con Rafael Dieste, Luis Seoane e Eduardo Blanco Amor. Como militante do Partido Comunista Arxentino e a raíz do golpe de estado de 1976, abandona Arxentina e establécese de novo en Madrid, onde reside ata a súa morte en 1978.