Román García Varela

Categoría: Maxistrado da Sala Primeira do Tribunal Supremo
Data de Nacemento: 23 de decembro de 1940
Lugar de Nacemento: Sarria (Lugo)
 Currículum

Ingresou no Corpo de Xuíces Municipais e Comarcais, mediante oposición en 1966. Exerceu funcións como xuíz comarcal nos Xulgados de Ateca (Zaragoza) e Tineo (Oviedo). Ingresou na carreira xudicial, mediante oposición, no ano 1967. Exerceu funcións de xuíz de Primeira Instancia e Instrucción nas prazas de Amurrio (Álava), San Clemente (Cuenca), La Estrada (Pontevedra), Granollers (Barcelona) e Ocaña (Toledo). Desde 1976 a 1979 prestou funcións, en comisión de servicio, no Xulgado de Instrucción número 14 de Madrid. En novembro de 1979, ascendeu á categoría de maxistrado. Como maxistrado, desempeñou funcións nos Xulgados de Primeira Instancia e Instrucción número 2 de Vitoria e número 2 de Alcalá de Henares, e de Primeira Instancia número 23 de Madrid. En 1986, foi nomeado Inspector Delegado do Consello Xeral do Poder Xudicial. En 1989, foi promovido á categoría de Maxistrado do Tribunal Supremo e nomeado Xefe do Servizo de Inspección do Consello do Poder Xudicial. En 1996 incorporouse á Sala Primeira do Tribunal Supremo, cargo que, como titular, desempeña na actualidade.

 Obras realizadas

Autor de diversos artigos publicados nos xornais ‘El País’, ‘La Voz de Galicia’ e ‘Liberación’. Ademais, é coautor de ‘La Ley del Divorcio’, publicado pola editorial COLEX, da vixésimosegunda edición da obra ‘Práctica Procesal Civil’, composta de once volumes, ‘El Recurso de Amparo en el Área Civil’, ‘Comentarios del Código Civil’, composto de nove volumes e ‘Derecho de la Edificación’, todos eles publicados por BOSCH casa editorial. Ten publicado 57 artigos na revista ‘La Ley’. Ten pronunciado conferencias na Escola Xudicial, Centro de Estudos Xudiciais, Facultade de Dereito da Universidade de Madrid, Universidade a Distancia, Colexio de Avogados de Madrid, Escola da Maxistratura de Lima (Perú), e en diversos centros culturais de Álava, Almería, Alacante, Ávila, Badaxoz, Barcelona, Burgos, Cádiz, Castellón, Cidade Real, Ceuta, Guipúzcoa, Huelva, Lugo, Madrid, Málaga, Melilla, Múnic, Murcia, Ourense, Las Palmas de Gran Canaria, Salamanca, Parador de Limpias (Santander), Segovia, Santa Cruz de Tenerife, San Bartolomé de Tirajana, Arequipa e Cuzco (Perú) e La Habana (Cuba).

 Outros datos de interese

Está en posesión da Cruz Distinguida de San Raimundo de Peñafort e da Medalla Castelao (2012).