Currículum

Licenciouse en Ciencias da Información (rama de Xornalismo) pola Universidade Complutense de Madrid, inscrito co número 29 no Colexio Profesional de Xornalistas de Galicia. Especializado en Comunicación Corporativa e en Xestión Empresarial, comezou a súa andadura profesional en 1988 no xornal El Progreso de Lugo, onde na actualidade segue colaborando nas páxinas de "Opinión" e "Cultura". Forma parte do staff de redacción de Código Cero, Revista de Noticias Tecnolóxicas de Galicia. É membro da Asociación de Xornalistas de Galicia, da Asociación de Directivos de Comunicación (DirCom), do Club de Expertos Euro da Confederación de Empresarios de Galicia (CEG) e do Instituto de Estudios Chairegos (Vilalba, Lugo). Foi director da revista “Petroglifo” e responsable de prensa da Asociación de Empresarios de Artes Gráficas de Galicia. Desde 1996 desempeña o cargo de consultor de comunicación en IDOM, S.A. (empresa multinacional de servicios profesionais de Enxeñería, Arquitectura e Consultoría).