Currículum

Incorpórase a moi temperá idade ós colexios da capital da Provincia, onde os seus pais teñen un negocio de hostalería. Cursa estudios primarios no colexio Sueiro de Ourense e pasa despois ós Salesianos onde remata o segundo ciclo. Máis tarde inicia peritaxe mercantil no colexio Bóveda. Emigra a Río de Janeiro, no momento que lle comunican o recrutamento, ós 18 anos, alí se inicia como empresario de hostalería, actividade que concreta en Arxentina, con varios negocios. Regresa a España en 1970 e monta o seu primeiro negocio de hostalería en Ourense capital, posteriormente monta varios máis funcionando todos eles ata hoxe, cun cadro de persoal de 27 persoas. É presidente da Confederación de Empresarios de Hostalería de Galicia; e da Federación de Empresarios de Hostalería da provincia de Ourense, dende hai 14 anos. No goberno da Pre-Autonomía foi membro do Consello Galego de Turismo. Na Lexislatura de 1997 foi elixido concelleiro do Concello de Ourense, polo Grupo Popular e exerceu como primeiro tenente de Alcalde. Ata abril do 2000, foi vicepresidente primeiro da Cámara de Comercio de Ourense e presidente da Comisión de Turismo durante 8 anos. É actualmente membro do Consello de Administración de Turgalicia en representación do sector de Hostalería. É membro do Comité executivo do Padroado de Turismo de Ourense e membro do Comité executivo da Confederación de Empresarios de Ourense. É membro tamén do Comité Executivo da Federación Nacional de Hostalería de España. Actualmente é presidente da Cámara de Comercio de Ourense.