Currículum

Baixo a orientación musical do seu pai, Marcos Díaz empezou a toca-la guitarra ós oito anos. Pouco despois comezaron as súas clases co guitarrista Isaías Savio, profesor do Conservatorio Dramático Musical de Sao Paulo (Brasil). Ó cabo de poucos anos, trasladou a súa residencia a España, continuando os seus estudios no Conservatorio Profesional de Música de Ourense con Tomás Camacho e posteriormente no Real Conservatorio Superior de Música de Madrid con José Luís Rodrigo, onde obtivo o “I Premio Extraordinario Fin de Carreira de Guitarra” en 1984. Durante este tempo participou activamente en máster clases internacionais recibindo as ensinanzas dos máis prestixiosos intérpretes como David Russell, Manuel Barrueco e Sergio & Odair Assad, entre outros.