Currículum

De formación autodidacta, comezou a pintar ós catorce anos, conseguindo os seus primeiros premios nos Certames Xuvenís de Arte, organizados pola Delegación Nacional de Xuventude. Nos anos sesenta, comeza a pintar á espátula, cunha técnica moi personal e depurada e que segue utilizando actualmente. A súa obra atópase repartida por toda Galicia e unha grande parte de España. Na actualidade, expón a súa obra en Barcelona, Tarragona e distintas localidades de Galicia. Participou ultimamente en exposicións colectivas no estranxeiro, Dinamarca e Miami (Estados Unidos) e desde hai sete anos, imparte clases de pintura nos Talleres Municipais de Sarria.
A súa temática preferida é a paisaxe, se ben realiza tamén outros temas como a mariña, o retrato, o bodegón e temas de composición e costumbrismo.
A súa obra caracterízase pola grande luminosidade e colorido, así como un desbordante realismo. Practica outras técnicas como son o pastel e o temple mural ó ovo (técnica moi clásica utilizada na antigüidade polos exipcios) que tamén realiza con espátula.