Manuel Ángel Jove Santos


Data de Nacemento: En 1967
Lugar de Nacemento: A Coruña
 Currículum

É actualmente vicepresidente de Inveravante, corporación fundada a comezos do ano 2007 e orientada á xestión empresarial en diversos sectores económicos.
Ademais da vicepresidencia, en Inveravante asume a dirección da actividade de Patrimonio da corporación.
Con formación en Mercados Internacionais e Master en Xestión de Empresas Inmobiliarias (MDI), comezou a súa carreira profesional no Banco Hipotecario.
A maior parte da súa carreira profesional está unida a FADESA, empresa na que ata marzo de 2007 foi vicepresidente e conselleiro, ocupándose de diferentes áreas, entre elas a súa expansión nacional na década dos anos 90, a dirección comercial ou, máis recentemente, a posta en marcha de toda a área de servizos de valor engadido do Grupo (“Conforta”, Centros Comerciais e Golf). Así, foi Director Xeral Comercial e Director de Filiais e Participadas.
Tamén é patrón fundador da Fundación María José Jove e membro da súa comisión executiva.

 Outros datos de interese

Está casado e é pai de tres fillas de curta idade.