Currículum

Licenciado en Ciencias da Información (Rama Xornalismo) pola Facultade de Ciencias da Información de Madrid, realizou estudios de Imaxe en Madrid e cursos de doutoramento na Facultade de Económicas de Santiago de Compostela. Traballou como redactor en prácticas na Axencia Efe (1975), redactor do Diario de Lérida (1977-80), redactor e xefe de sección en El Progreso (1980-90), redactor xefe de El Correo Gallego (1990-96), director dos servicios informativos de TVG (1996-2002) e director xerente da Radio Galega (2002-2005). Ademais, foi correspondente de varias axencias de noticias e xornais, xefe de prensa da Cámara de Comercio de Lugo (1987-90), director de Lérida Deportiva (1979), cofundador do semanario La Boira (Lleida, 1998), subdirector e director da revista “Cámara” da Cámara de Comercio de Lugo.