Obras realizadas

EXPERIENCIA PROFESIONAL
-Decembro 2002 – hoxe: Director xerente de Begasa (Barras Eléctricas Galaico-Asturianas, S.A.).
Begasa é unha empresa con sede social en Lugo que se dedica á distribución de enerxía eléctrica na provincia de Lugo e Barras Eléctricas Generación á xeración de enerxía eléctrica. Begasa forma parte do Grupo Eon e do Grupo Unión Fenosa e a cifra de negocio no exercicio 2008 ascendeu a 83 millóns de euros, ten 160.000 clientes e 87 traballadores. 
En dependencia do consello de administración da sociedade e do presidente da mesma, a súa misión é dirixir, xestionar, coordinar, supervisar e controlar todas as áreas da empresa para garantir os resultados económicos, a satisfacción dos clientes, a xestión do equipo de colaboradores e a eficacia organizativa dos proxectos, procesos e servizos. Propoñer, dirixir e supervisar a elaboración e o seguimento dos obxectivos e procesos orzamentario sen contido e prazos establecidos. Propoñer e executar, sempre dentro da legalidade establecida, as políticas económicas, contables, fiscais e financeiras da  empresa. Propoñer, actualizar, executar e coordinar o cumprimento do Plan Estratéxico da Empresa. Propoñer e implementar melloras na xestión económica e organizativa da empresa. Propoñer e implementar, de forma regular e continuada, iniciativas para a mellora da xestión dos recursos humanos.
Manter en todo momento informado ao Conselleiro Delegado de calquera incidencia que faga perigar o cumprimento de obrigacións e responsabilidades deste órgano fronte a terceiros, propoñendo e implementando de inmediato medidas paliativas.
Coordinar a elaboración, revisión e aprobación de compromisos xurídicos da empresa con terceiros. Coordinar as actuacións da súa área de xestión coas correspondentes doutras empresas do grupo. Facilitar ao Conselleiro Delegado toda a información relevante para a adecuada toma de decisións. Participar na toma de decisións corporativas. Realizar as tarefas de representación da empresa ante empresas e institucións.
 
 
-Febreiro 2008 – hoxe: Presidente da Fundación CEL Iniciativas por Lugo.
É unha fundación promovida pola Confederación de Empresarios de Lugo. Está integrada polas empresas máis representativas da provincia e ten o apoio das principais entidades financeiras galegas. Os seus obxectivos son fomentar o crecemento e potenciar o tecido industrial da provincia de Lugo a través do deseño e posta en marcha dunha ampla gama de actividades que favorezan a creación de empresas e que impliquen directamente a xeración de emprego estable e o incremento do valor engadido da provincia. Entre as súas actividades están o programa de viveiro de empresas, a axencia de emprego, a rede CIRCE, os premios anuais da Fundación (premios creación e posta en marcha de proxectos empresariais) , a publicación “Lugo en Cifras”...
 
-1994 - 2002: Director financeiro-administrativo de Begasa.
As funcións desempeñadas foron a dirección e organización das estratexias e políticas da compañía en materia financeira, contable e administrativa, dirixindo e coordinando todas as actividades nestes ámbitos. Responsable da dirección e organización da xestión comercial da empresa. Dirección e coordinación das relacións cos servizos profesionais contratados da área xurídica da sociedade e informática xeral. Encargado das relacións e negociacións, nas áreas descritas, con auditorías externas, internas, organismos oficiais, entidades financeiras e consultoras. Elaboración, control e seguimento de orzamentos e previsións, así como da elaboración de informes financeiros e recomendacións para o consello de administración.
-1990-94: En setembro de 1990 incorporouse a unha das primeiras firmas multinacionais de auditoría e consultoría, Arthur Andersen (hoxe Deloitte &Touche), desenvolvendo a súa carreira profesional ata maio de 1994 e alcanzando a categoría de xefe de equipo. Durante a súa estancia en dita firma, participou en auditorías de empresas de todos os sectores con implantación  en  Galicia, en  traballos  de  racionalización  de  gastos  de  explotación  e reestruturación de procedementos administrativos, realización de diversos manuais de funcións para áreas determinadas da empresa, estudo de viabilidade de grandes proxectos financeiros, elaboración de proxeccións financeiras e implantacións de contabilidade. Tamén realizou auditorías de entidades bancarias.
-Maio-xullo de 1990: Colaborador nun traballo de investigación para a elaboración dun modelo econométrico da economía galega no Departamento de Econometría da Facultade de Ciencias Económicas e Empresariais da Universidade de Santiago de Compostela.
 
ACTIVIDADES COMPLEMENTARIAS
-Desde 2002 forma parte da xunta de goberno do Colexio de Economistas de Lugo e desde xuño de 2008 é o vicedecano do colexio.
-Desde 2003 é membro do Consello Social da Universidade de Santiago de Compostela.
-De 2004 a 2006 foi membro da Comisión Mixta para a análise do marco de financiamento da Universidade de Santiago de Compostela.
-Desde 2004 é membro da Comisión de Asuntos Económicos do Consello Social da Universidade de Santiago de Compostela.
-Desde 2006 é vogal cooperador do Pleno da Cámara Oficial de Comercio de Lugo.
-Desde 2003 é membro do Padroado da Fundación CEL (Confederación de Empresarios de Lugo).
-Desde 2008 é vogal da xunta territorial de Galicia do IESE.
-De 2005 a 2007 foi membro do Consello de Goberno da Universidade de Santiago de Compostela.
-De 2003 a 2008 foi responsable da Comisión Delegada dos premios anuais da Fundación CEL (premios creación e posta en marcha de proxectos empresariais).
-De 2004 a 2006 foi membro do consello escolar do Colexio Marista “La Inmaculada”.
 
CONFERENCIAS
-2000: Relator nun seminario no “I Encuentro sobre Prevención de Riesgos Laborales” baixo o epígrafe "Costes de la Prevención", organizado pola Confederación de Empresarios de Lugo.
-2004: Relator no seminario “Aprendiendo a liderar” baixo o epígrafe “Liderazgo en la empresa”, organizado polo Rotary Club de Lugo.
-2004: Relator nas “Jornadas de orientación Laboral” da Facultade de Administración e Dirección de Empresas, Universidade de Santiago de Compostela - Campus de Lugo.
-2004: Relator no simposio “Electrificación en España” baixo o epígrafe “Liberalización de la energía eléctrica”, organizado polo Colexio Oficial e Asociación de Enxeñeiros Industriais de Galicia.
-2007: Relator no seminario “Día del emprendedor” baixo o epígrafe “Masters de la Estrategia Empresarial”, organizado polo Centro de Empresas e Innovación do Concello de Lugo.
-2008: Moderador no relatorio organizado dentro dos actos de celebración do III Día do Emprendedor na provincia de Lugo (Centro de Empresas e Innovación do Concello de Lugo).
-2009: Moderador na mesa redonda “Aprendiendo de las empresas campeonas”, organizada dentro dos actos de celebración do IV Día do Emprendedor na provincia de Lugo (Centro de Empresas e Innovación do Concello de Lugo).
 
PUBLICACIÓNS
Publicou un artigo firmado no diario El Progreso (Lugo), dentro dun especial do Colexio de Economistas de Lugo. O artigo analiza a xestión dunha empresa no marco da competencia (8 de xullo de 1998).