Tomou o hábito benedictino en Guadalaxara en 1761 e tres anos máis tarde regresou á súa terra natal para estudiar Artes no convento de Ribas de Sil. En 1764 trasladouse a Salamanca, onde estudiou Teoloxía durante tres anos. Trala súa estancia en varios conventos españois, en 1789 volveu a Galicia, onde permaneceu nove anos, primeiro no convento de San Martín (Santiago) e logo en Ribas de Sil ata que en 1798 foi trasladado como abade ó convento de Santa María de Sopetrán en Guadalaxara.
Frei Juan Sobreira foi o autor de varios escritos lingüísticos de interese lexicográfico e outros ensaios de temas diversos, que quedaron inéditos.