Currículum

Xa de neno experimenta unha gran adicción á música por influencia do seu pai. Ós 4 ou 5 anos empeza a tocar a guitarra, para iso tivo como profesor a Bautista Varela, integrante de agrupacións de pulso e púa que daquela existían na cidade. Posteriormente recibe leccións de música, primeiro solfexo, por parte do mestre Courtier, no colexio dos Irmáns Maristas. Ó redor dos anos 1925-1926 forma parte, como solista, das roldas de pulso e púa “Los Eternos Pierrots”. En compañía do seu pai, asistía a algúns concertos que realizou o eminente músico Andrés Segovia, en Santiago de Compostela, o que lle produciu un gran desánimo, porque, ó compararse con el, vía imposible chegar a tocar así a guitarra.