José Álvarez Limia

Categoría: Escritor e xornalista
Data de Nacemento: 8 de setembro de 1922 († 3 de xullo de 2019)
Lugar de Nacemento: Verín (Ourense)

Web personal

Web personal
 Currículum

Alumno do colexio de la Salle de Verín, nos anos corenta colaborou en actividades culturais, pertencendo á Agrupación Coral "Azul" que, dirixida polo mestre Máximo Álvarez, se proclamou campión do certame interprovincial de coros xuvenís de Galicia, Asturias e León, conseguindo un dos primeiros lugares na final celebrada en Badaxoz.

 Obras realizadas

Autor dos libros: "El misionero leproso", sobre o recentemente elevado aos altares P. Damián, "Los mártires de Turón", onde relata o asasinato en 1934, durante a revolución de Asturias dun grupo de HH. das EE.CC. da congregación de San Juan Bautista da Salle,"Oriamendi", sobre o terzo tradicionalista de requetés durante a guerra civil, onde tomou parte como voluntario da compañía de requetés ourensáns ao mando do alférez Ricardo Cid Rodríguez Toubes.

Os seus primeiros traballos xornalísticos publicáronse no semanario "Heraldo de Verín" e como correspondente do diario provincial "La Región" en Xinzo de Limia.

Foi empregado de banca, chegando a ser Director de sucursal.

 Outros datos de interese

Outorgóuselle o título de tenente coronel honorario dos Reais Terzos, participando en 2010 na Asemblea Nacional dos veteranos tradicionalistas celebrada en Barcelona e no espazo de TV "España en la memoria", onde recordou a voluntarios verinenses e a mulleres "Margaritas" enfermeiras do hospital militar no Gran Hotel do Balneario de Cabreiroá.

Casado e pai de familia numerosa de sete fillos.