Currículum

Ramonet criouse en Tánxer onde os seus pais, republicanos españois, se instalaron en 1948. En 1972 trasladouse a París, onde se iniciou como xornalista. É doutor en Semioloxía e Historia da Cultura pola École des Hautes Études en Sciences Sociales de París e catedrático de Teoría da Comunicación na Universidade Denis-Diderot.

Especialista en xeopolítica e estratexia internacional e consultor da ONU, estivo en todas as apostas da loita a favor dos pobos e países marxinados. Espoleador do movemento antiglobalización, foi fundador de Attac (a asociación que defende impoñer unha taxa ás transaccións financieras para a axuda aos cidadáns), un movemento internacional altermundista que promove o control democrático dos mercados financeiros. Ramonet foi tamén un dos promotores do Foro Social Mundial. É, ademais, cofundador da oenegé Media Watch Global (Observatorio internacional dos medios de comunicación), que preside.

Ramonet logrou un recoñecido prestixio mundial como director, durante 18 anos, de Le Monde Diplomatique e do bimensual Manière de voir. Aínda que deixou en marzo de 2008 a dirección da prestixiosa revista, segue vinculado a ela como presidente da empresa editora da súa edición en español, da que tamén é director. É presidente de "Mémoire des Luttes" www.medelu.org.