Currículum

Xornalista, director fundacional do Diario de Ferrol (1999). Iníciase na súa carreira profesional no desaparecido Ferrol Diario (1974-1981), que abandoa para poñer en marcha en Ferrol unha delegación do Faro de Vigo (1981-1983), pasando máis tarde ao equipo de Redacción de La Voz de Galicia na delegación de Ferrol (1983-1999). Neste último ano é chamado para fundar o Diario de Ferrol, desde o que promoveu o suplemento dominical Nordesía, os Premios Diario de Ferrol, o museo de periodismo Xornalismus e en colaboración coa Universidade da Coruña, o Foro Ferrol Futuro, Xubilouse no ano 2010.

Foi tamén Presidente fundador do Club de Prensa de Ferrol (1987-1999) no que impulsou e dirixiu a revista de pensamento e cultura FerrolAnálisis (1990), a Revista Oral (dous ciclos nos anos 1987e 1997), o certame anual e itinerante de fotoxornalismo galego Galicia en foco, 1989, e na última etapa como presidente do CPF, ano 1998, puxo en marcha o Curso de Pensamento Carlos Gurméndez, que se celebra anualmente no mes de xullo. Actualmente, desde 1999, é Presidente de Honra.