Currículum

Estudiou en Santiago de Compostela e no Colexio de Santa Cruz de Valladolid. Foi cóengo compostelán en 1645. Gran orador sagrado, foi nomeado predicador real por Felipe IV. En 1664 foi elixido bispo de Valladolid, onde estivo catro anos, e de alí pasou á de Salamanca, onde residiu dez anos. En 1682 foi elixido para a metropolitana compostelá. O seu principal labor en Compostela foi a de suaviza-las tensas relacións que había entre a Mitra e o Cabido.