Constantino Méndez Martínez


Data de Nacemento: 25 de outubro de 1950
Lugar de Nacemento: Pontecesures (Pontevedra)
Correo electrónico: 
Formulario de contacto
 Currículum

Tras cursar o bacharelato no Instituto de Pontevedra, licenciouse en Dereito pola Universidade de Santiago de Compostela en 1972. Funcionario por oposición libre ó Corpo de Titulares Superiores da Seguridade Social desde 1974, está en excedencia desde 1996. Desde 1975 a 1983 estivo destinado en Vigo, Vilagarcía e A Coruña. Foi director xeral do Instituto Social da Mariña (1983-87) e do Instituto Nacional da Seguridade Social (1987-93). Ademais, foi deputado do Congreso de Deputados por Pontevedra (1993-96) e Secretario de Estado para as Administracións Públicas (1994-95). É avogado do Colexio de Madrid, consultor da Fundación ONCE e asesor do CERMI, director xeral da empresa FSC.S.A. Consultoría da Fundación ONCE e consultor do Banco Interamericano de Desenvolvemento. Foi delegado do goberno en Madrid ata maio de 2006.

 Obras realizadas

É autor de numerosos artigos e relatorios en materia de Seguridade Social, así como de numerosas publicacións sobre Discapacidade e Responsabilidade Social Corporativa. É o director do libro branco sobre o Prestige, prestou asesoramento a Romanía e Polonia sobre modernización dos servizos públicos e realizou programas de reforma institucional en Iberoamérica.

 Outros datos de interese

É vocal do IEEM e profesor do master de Dereito Marítimo, colaborador de ESADE no master de Xestión Pública e presidente do CTN. 170 de Aenor sobre Accesibilidade.