Cecilia Alvarellos Casas


Categoría: Matemática
Data de Nacemento: 9 de xaneiro de 1963
Lugar de Nacemento: Lugo
 Currículum

É licenciada en Matemáticas pola Universidade de Santiago de Compostela, na especialidade de Estatística e Investigación de Operacións. Como profesora de ensino medio, traballou no Instituto "As Lagoas" (Ourense), Instituto de F.P. de Sarria (Lugo), "Nosa Señora dos Ollos Grandes" (Lugo), IES "Marqués de Sargadelos" de San Cibrao (Cervo, Lugo), IES "Trapero Pardo" de Castro Riberas do Lea (Lugo) e IES de A Pastoriza (Lugo), onde exerceu durante 3 anos, poñendo en marcha o centro e sendo a súa primeira directora. Na actualidade atópase no IES "Val do Asma" de Chantada.

 Obras realizadas

Ten publicados os seguintes libros: Matemáticas Universitarias I (Editorial Alvarellos, Lugo, 1991); Xoguemos coas Matemáticas na ESO (Editorial Alvarellos, Lugo, 1994), Estatística Descriptiva (Editorial Alvarellos, Lugo, 2000) e "O Xornal na clase de matemáticas" (2010).

 Outros datos de interese

Posúe o Primeiro Ciclo de Inglés da Escola Oficial de Idiomas, ademais do título "Preliminary" da Universidade de Cambridge. Ten acudido a numerosos cursos e congresos por diversas localidades galegas.