Currículum

É mestre nacional. Foi director do Colexio de Paradai (Lugo). Traballou como xornalista en El Progreso de Lugo e como técnico de Radiodifusión en "Radio Lugo". Foi deputado provincial durante 12 anos en Lugo e tenente de alcalde durante 5 anos. Ocupou os cargos de: delegado provincial do Ministerio de Información e Turismo, delegado de presidencia da Xunta de Galicia en Lugo, director xeral de Interior, Secretario Xeral da Presidencia da Xunta de Galicia, presidente do "Club Ancares" e presidente de "Amigos de la Muralla de Lugo". Foi o promotor do Albergue de Picos de Ancares e formou parte das Comisións Universidade-Deputación para a creación do Campus de Lugo. Foi o fundador de "Orden Serenísima de la Alquitara" e "Domingos Folclóricos" de Portomarín.