Currículum

É licenciado en xornalismo pola Facultade de Ciencias da Información da Universidade Complutense de Madrid.

Leva xa 26 anos na profesión. Aos quince anos xa estaba diante dun micrófono como presentador do programa “La Ballena Blanca” de Radio Cadena Española, dirixido aos máis novos. Na actualidade, forma parte da redacción de deportes da TVG, medio no que traballa desde 1994.

Con anterioridade formouse na radio (Radio Nacional de España, Antena 3 Radio e Cadena SER) e foi colaborador en varios xornais (La Voz de Galicia, El Ideal Gallego e Marca).

Foi Premio Mestre Mateo ao mellor comunicador de TV.

Na TVG presentou e dirixiu programas como En Xogo, os Telexornais e programas especiais como debates e noites electorais, Xacobeo 93, 100 anos do Himno de Galicia.