Currículum

Realizou os seus estudos nos conservatorios de Pontevedra e Vigo, onde finaliza con altas cualificacións as carreiras de piano, solfexo, repentización, acompañamento e música de cámara; posteriormente baixo a dirección de Miguel Zanetti (catedrático da escola superior de canto de Madrid) especialízase no acompañamento vocal.
Foi bolseiro pola Xunta de Galicia como pianista no “1º programa de práctica orquestral”, convocada polo I.G.A.E.M. (Instituto Galego das Artes Escénicas e Musicaes).
Foi profesor titular no conservatorio de música do Porriño (1987-1993); tamén impartiu clases no colexio H. Quiroga da mesma localidade (1992-1993) e exerceu de pianista acompañante na E.S.M.A.E (Escola Superior de Música e das Artes do Espectáculo) de Porto (Portugal) na aula do tubista Eduardo Nogueroles (2004-2006), así como nos conservatorios estatais, profesional de Pontevedra (1993-1995), superior de Vigo (1995-2003) e profesional de Vigo (2003-2004), conservatorios nos que exerceu respectivamente os cargos de secretario, vicedirector, xefe do departamento de tecla e xefe do departamento de pianistas acompañantes.
Exerce actualmente como pianista acompañante no Conservatorio Superior de Música de Vigo e na Escola de Altos Estudos de Santiago de Compostela.