Currículum

É doutor en Pedagoxía (cum laude coa tese "Estratexias de Metacomprensión en alumnos de 2º e 3º de EXB e a súa influencia no rendemento en Ciencias Sociais") (1994), licenciado en Filosofía e Ciencias da Educación (1983) e diplomado en Ciencias Humanas (1976, co número 1 da súa promoción). Desde 1977 ata 1985 foi profesor en Centros Públicos de Ensino de Ourense e Pontevedra, sendo secretario do Consello Asesor, coordenador-xefe de estudios, secretario, xefe do Departamento de Orientación e pedagogo-orientador escolar. Foi pedagogo do EPSA (Equipo Psicopedagóxico de Apoio) da Consellería de Educación e Orientación Universitaria en Ourense (1985-89).