Ramón Carballo Páez


Categoría: Subdelegado do Goberno en Lugo
Data de Nacemento: En 1960
Lugar de Nacemento: Seixo, Pedrafita do Cebreiro (Lugo)
 Currículum

No Seminario de Lugo cursou os primeiros estudos, logo COU no Masculino, e Bioloxía no Colexio Universitario.

Sen rematar Biolóxicas, decide estudar Veterinaria en León, e licénciase en 1986, na especialidade de Produción Animal e Economía.

Exerceu como veterinario clínico en Pedrafita, Cervantes, O Courel, As Nogais, Triacastela, e Veiga de Valcarce en León.

Casa en 1989 coa súa muller, María do Carme, e ese mesmo ano é destinado como veterinario á Fonsagrada. En 1990, nace Andrés, o seu fillo.

Desde que en 1994 accede ao Corpo de Veterinarios da Xunta de Galicia, foi Xefe dos Servizos Veterinarios de Saúde Pública da zona de Lugo, Inspector Técnico Veterinario, Xefe Territorial da Consellería de Medio Rural, e desde febreiro de 2012, é Subdelegado do Goberno en Lugo.

En canto á súa actividade política, foi concelleiro e voceiro do Partido Popular en Pedrafita e na Fonsagrada, e Deputado no Parlamento Galego sendo Presidente da Comisión de Pesca, vogal nas de Agricultura e Asuntos Europeos, e relator na de Emigración. De 2007 a 2010, de novo Concelleiro na Fonsagrada, e na actualidade é membro da Executiva e do Comité de Dirección do Partido Popular, e responsable dos temas do Rural.

En decembro de 2014, foi nomeado novo Membro de Honra da asociación Castaño y Nogal, en recoñecemento ó seu apoio ós proxectos sociais e de dinamización do medio rural que desenvolve a asociación na montaña lucense.