Currículum

O seu primeiro club, xa como federado, foi o Vilanova de xuvenís con 15 anos de idade. Pasado un ano, fichou polo Arousa, onde se mantivo dúas tempadas. O Real Madrid fichouno por 800.000 ptas., que foi a maior cantidade que pagou o club merengue por un xuvenil naquelas datas dos anos 60. Xogou no Real Madrid de afeccionados, de onde pasaría cedido ó Castellón e logo ó Rayo Vallecano en 2ª División. Ó remata-lo seu contrato co Real Madrid, pasou ó Málaga, e na tempada 1973 fichou polo Celta en 1ª División, onde se descubriu como un gran defensa. Do Celta de Vigo volveu para o Málaga colgando as botas neste equipo en 1978.