Obras realizadas

En 1980, ao seu regreso de EEUU, comeza a súa traxectoria profesional no sector privado das Telecomunicacións e das Tecnoloxías da Información.

Entre 1980 e 1982 desenvolve a súa actividade profesional en compañías do sector das Telecomunicacións e das Tecnoloxías da Información.

En 1982 entra en Televés como Responsable de Sistemas de Television por cable. Durante este período é responsable do deseño e implementación dalgúns dos proxectos de distribución de Televisión por cable pioneiros en España e participa activamente nos traballos de deseño da rede da Televisión Autonómica de Galicia. Así mesmo, realiza diversos estudos sobre a cobertura de Radio e Televisión na Comunidade Autónoma de Galicia, asesorando á administración galega en numerosas ocasións.

En 1985 faise cargo das actividades de Expansión Internacional de Televés. Desenvolve toda a rede internacional desta firma galega, abrindo mercados nos cinco continentes e promocionando a marca Televés a nivel mundial. Na actualidade, a firma Televés conta cunha rede comercial composta por distribuidores oficiais e filiais propias que lle permiten vender os seus produtos en máis de oitenta países de todo o mundo e é unha das firmas máis recoñecidas do seu sector a nivel mundial.

Como responsable do departamento internacional do grupo, a maior parte da súa actividade profesional tivo lugar no estranxeiro. Nos seus frecuentes desprazamentos por todo o mundo, participa en numerosas reunións internacionais, imparte conferencias e cursos e participa en negociacións internacionais tanto con empresas privadas como con Organismos gubernamentais e entidades públicas. Crea tamén as filiais de Televés no estranxeiro, o que o leva a familiarizarse coa lexislación ao respecto en moitos países. Por todos estes motivos goza dunha ampla experiencia no sector internacional e ten abundantes contactos profesionais por todo o mundo.

En 2005 é elixido Decano do Colexio Oficial de Enxeñeiros de Telecomunicacións de Galicia e Presidente da Asociación de Enxeñeiros de Telecomunicación desta mesma Comunidade, sendo reelixido por unanimidade para ambos cargos en marzo de 2009.

Durante o seu período á fronte do Colexio e da Asociación, profesionalizou a xestión de ambos e obtivo o respecto de empresas e institucións en materia de Telecomunicacións en Galicia. O colexio e a asociación tomaron un importante protagonismo no sector TIC Galego, liderando importantes iniciativas do mesmo e asesorando á Administración Autonómica en proxectos claves para o desenvolvemento de Galicia tales como a expansión da banda ancha ou o cluster TIC. O COETG é hoxe en día un organismo de referencia dentro do sector das Telecomunicacións e a Sociedade da Información en Galicia.

Na actualidade ocupa a Dirección de Desenvolvemento de Negocio do Grupo Televés.