Currículum

Desde 1972, data na que ingresa no entonces Corpo Xeral de Policía, foi ascendendo polas diferentes categorías profesionais do Corpo Nacional de Policía (Inspector, inspector-xefe e comisario), alcanzando así mesmo o número 1 de Facultativos do Corpo Nacional de Policía na especialidade de Dereito. Prestou servicio en Áreas Operativas, como a Comisaría Xeral de Información e a de Seguridade Cidadá e áreas de Xestión ou Apoio (División de Formación e Perfeccionamento, Gabinete Técnico do Director Xeral). Como xefe superior de Policía de Galicia fíxose cargo da implantación e desenvolvemento da Policía de Proximidade e o Programa Policía 2000, así como a reorganización dos servicios contra o tráfico de drogas, tanto operativamente como de reorientación de estratexias dirixidas a desarticula-los grupos organizados. Como xefe superior de Policía de Cataluña, asumiu con éxito importantes retos de transcendencia internacional como a Reunión do Banco Mundial (xuño 2001) ou o Cumio Europeo de Xefes de Estado (marzo 2002), dirixindo así mesmo importantes operacións contra o terrorismo nacional e internacional e outros retos policiais de gran repercusión social como o secuestro sufrido nun colexio de L’Hospitalet de Llobregat, detención do homicida múltiple do Puxet ou a desarticulación de numerosas bandas de crime organizado e de narcotráfico internacional.