Currículum

Estudiou en Lugo e A Coruña e licenciouse en Dereito pola Universidade de Santiago de Compostela, onde tamén cursou algúns estudios de Filosofía e Letras. Exerceu a avogacía na Coruña colaborando co ilustre xurista, xa falecido, D. Sebastián Martínez-Risco y Macías. Ocupou unha das vicepresidencias da sección terceira do I Congreso de Dereito Galego, celebrado na Coruña en 1972 e interviu en varios actos públicos organizados no país galego para a divulgación das conclusións aprobadas en dito congreso. Eesde moi novo militou no galeguismo activo, presidindo a "Mocedade Galeguista" da Coruña e participou activamente na campaña plebiscitaria do Estatuto de Autonomía de Galicia. Colaborou en A Nosa Terra, Resol, La Tarde, Guieiro e en La Voz de Galicia. Foi socio fundador da Editorial Galaxia e presidente do seu consello de administración. Ademais pertenceu ó consello de administración da revista "Grial", na que colaborou con numerosos ensaios.