Currículum

É licenciada en Filoloxía Románica pola Universidade de Santiago de Compostela (1981) coa tese "A Fala do Val de Láncara" (1982) e doutora en Filoloxía Románica (1994) coa tese de doutoramento "Léxico de Moravia na novela curta". Foi profesora agregada de Lingua e Literatura Galega no Instituto de Bacharelato "Lucus Augusti" de Lugo (1983-87), profesora da Escola Oficial de Idiomas de Lugo (1987-1991), profesora asociada de Filoloxía Italiana na Facultade de Filoloxía da Universidade de Santiago de Compostela (1991-1999) e desde maio de 1999 é profesora titular de Filoloxía Italiana. Entre xaneiro e xuño de 1996 foi profesora a contrato na Universidade Sorbonne Nouvelle, Paris III. Imparte cursos de doutoramento e conferencias en institucións españolas e estranxeiras. Realizou varias estadías de investigación en universidades italianas, francesas e inglesas e participou en diferentes proxectos de investigación financiados polo Ministerio de Educación e pola Xunta de Galicia.