Francisco Vales Villamarín

Categoría: Profesor e historiador
Data de Nacemento: 7 de maio de 1891 (†24 de agosto de 1982)
Lugar de Nacemento: Betanzos - A Coruña
 Currículum

Desde moi novo dedicouse á docencia, actividade na que seguiu as doutrinas da Institución Libre de Ensinanza. Á parte do maxisterio, o seu labor abarcou outros campos, foi o creador das Irmandades da Fala de Betanzos, director das colonias escolares coruñesas promovidas polo Museo Pedagóxico Nacional, director do Anuario Brigantino, investigador histórico e cronista oficial de Betanzos.

 Obras realizadas

Publicou sobre trinta obras relacionadas coa súa cidade natal.

 Outros datos de interese

Foi secretario perpetuo da Real Academia Galega, membro do Instituto José Cornide e da Academia de Belas Artes Nosa Señora do Rosario, entre outras institucións culturais. Entre as medallas e distincións que obtivo destacan: Fillo Predilecto de Betanzos, Orde de Alfonso X O Sabio, premio vitalicio da Fundación "Barrié de la Maza", medalla de prata de Betanzos, medalla do Mérito no Traballo e medalla do Mérito Cultural. Betanzos deulle o seu nome ó colexio público do municipio, concedeulle a medalla de prata da cidade e o Consello nomeouno fillo predilecto.