María José Caride Estévez

Data de Nacemento: 1 de agosto de 1966
Lugar de Nacemento: Vigo (Pontevedra)
 Currículum

Licenciada en Ciencias Económicas pola Universidade de Vigo, é doutora en Ciencias Económicas e Empresariais pola Universidade de Santiago de Compostela, desde maio de 2002. Realizou un master en Economía do Transporte pola Universidade Carlos III de Madrid (1991-1993).

 Obras realizadas

É profesora do Departamento de Economía Aplicada da Universidade de Vigo, onde impartiu docencia na Facultade de Ciencias Económicas e Empresariais de Vigo e na Facultade de Empresariais e Turismo de Ourense, nas materias de economía española e mundial, desenvolvemento local e rexional, política económica e economía internacional, entre outras. Experta en transportes, baseou a súa tese doutoral na ‘Intermodalidade e demanda de transporte. Aplicación ao novo acceso ferroviario Galicia-Madrid’ e a súa tesiña ‘Comparative Study of Renfe's Performance’ (1993) foi realizada baixo a dirección do catedrático C.A. Nash e o doutor J.P. Preston do Institute for Transport Studies na Universidade de Leeds (Reino Unido).

 Outros datos de interese

É autora de numerosos estudos e publicacións sobre economía das infraestruturas e dos transportes. Foi conselleira de Política Territorial, Obras Públicas e Transportes (2005-2009).